Aukeraketa erraz bat

Etorkizuna erabakitzerako orduan, hainbat faktorek hartzen dute parte norberaren iritzietan. Ene ustetan, etorkizun honetan funtsezko paper bat jokatzen dute ikasketek, azken finean hauek izango baitira norberaren bizitza baldintzatuko dutenak. Nire kasuan, Ingeles Filologia hautatzearen erabakia ez zen hasiera batetik eman, Itzulpengintza ikasteko asmoa bainuen. Dena den, bata zein bestea hizkuntzari lotuta daude, eta pertsonalki, betidanik sentitu dut hauenganako erakarpen ukaezin bat; izan ere, azken puntu hau izan da nire erabakiaren erantzulea.

Ikasketa hauek burutzea arrarotzat jotzen dute hainbatek, dirudienez ez baita ez ohizko ez jendearen gustuko karrera bat. Honek, baina, ez du axola norberaren benetako bokazioa zein den argi eta garbi badugu. Hori dela eta, esanak esan, harro nago ingeles hizkuntza sakonduko dudalako, gaur egun hain hedatuta dagoen hizkuntza bat oso-osorik ezagutzea pribilegio bat baita, eta ahalmen hau geroz eta jende gutxiagok duela jakitean, nire burua zorionekotzat dut.